जनकपुरधाम: एकीकृत राष्ट्रिय प्रजातन्त्र पार्टी (राष्ट्रवादी) का केन्द्रीय सल्लाहकार उदयकान्त ठाकुरको आज बिहान जनकपुरधाममा निधन भएको छ । केही महिनादेखि बिरामी रहनुभएका ७६ वर्षीय ठाकुरको आज बिहान ६ः३० बजे जनकपुरधामको देवीचोकस्थित आफ्नै निवासमा निधन भएको हो । उहाँ पञ्चायतकालमा जनकपुर नगरपालिकाको उपप्रमुखसमेत हुनुभएको थियो । भाषणकला सन्दर्भमा जनकपुर क्षेत्रमा उहाँ चर्चित हुनुहुन्थ्यो । उहाँको श्रीमती, एक छोरा र दुई छोरी हुनुहुन्छ । परिवारजनका अनुसार उहाँको आजै जनकपुरको स्वर्गद्वारमा अन्तिम संस्कार गरिनेछ ।
६ जेष्ठ २०८१, आईतवार
