सबै ग्रहमाथि कब्जा गरेर पृथ्वी ध्वस्त गर्ने धम्कीविरुद्ध २२ सुपरहिरोहरु एकै ठाउँमा
हलिउडः इन्डियन प्रिमियर लिगको एकातिर धमाका चलिरहेको बेलामा हलिउड फिल्म एभेन्जर्स इन्फिनिटी वारको धमाका कायम रहेको छ । फिल्मले शुक्रबार रिलिज भएको चौथो दिन पुग्दा १ सय १५ करोड रुपैयाँको कारोबार गरेको छ । २२ जना सुपर हिरोले एक भए पनि थानोसलाई हराउन सकेनन तर थानोस्ले पद्मावतको पछिल्लो रेकर्डलाई तोडिदिएका छन् । फिल्म पद्मावतले चार दिनमा केबल ७५ करोड रुपैयाँको कमाइ गरेको थियो जब कि त्यतिबेला गणतन्त्र दिवसको छुट्टीको फाइदा पनि उसलाई मिलेको थियो । सुरुवाती हप्ताको कमाई हिसाव गर्ने हो भने पद्मावतलाई पछारेर एभेन्जर्स इन्फिनिटी वारले सन् २०१८ को पहिलो रेकर्ड कायम गरेको छ । मंगलबार मे दिवसको छुट्टिका कारण त्यो टेन्ड बढेर अगाडि गएको छ । फिल्म क्षेत्रका व्यापारिक पण्डितका अनुसार यो फिल्मले पहिलो हप्तामा यो रुझान कायम भयो भने १ सय ७५ करोडसम्मको आम्दानी गर्न सक्छ । यो फिल्मको आकर्षण र बजार यसरी जाने हो भने यसले ३ सय करोडसम्म कमाउने अनुमान गरिएका छन् । एभेन्जर्स इन्फिनिटी वार भारतमा हलिउडको सबैभन्दा धेरै आम्दानी गर्ने फिल्मका रुपमा देख्न थालिएको छ । भारतमा यसको लोकप्रियताका कारण अंग्रेजीवाहेक भारतका सबैजसो क्षेत्रीय भाषामा पनि रिलिज गरिएको छ ।
मार्बल कमिक्सका सुपर हिरोमा आधारित फिल्म एभेन्जर्स इन्फिनिटी वार दर्शकहरुले लामो सयमदेखि कुरेको फिल्म थियो जसलाई यो शुक्रबार सार्वजनिक गरिएपछि दर्शकहरुको कौतुहलता समाप्त भएको छ । यो फिल्ममा २२ जना सुपरहिरोहरुलाई देखाइएको छ भने यति ठूलो संख्यामा सुपर हिरो कुनै फिल्ममा एकै ठाउँमा देखिएका थिएनन । यसका साथै थानुस् जस्तो खतरनाक र शक्तिशाली खलनायकले सिनेमालाई रोमान्चक बनाएका छन् । एभेन्जर्स इन्फिनिटी वारले एक दशकको मेहनतपछि यो नतिजा निकालेको छ । फिल्ममा ती सबै मसलाहरु राखिएका छन् जसलाई दर्शकहरुको मन जित्न सक्छ । दर्शकहरुलाई आफ्नो फ्यान बनाउनका लागि फिल्म निर्माताले राम्रै ध्यान दिएका छन् । फिल्मको कथा पुरै युनिभर्सलाई रक्षा गर्ने कुरामा केन्द्रीत रहेको छ । मार्बल सिनेमेटिक युनिभर्स एकैचोटी शक्तिशाली थेनोससँग मुकाबिला गर्ने फैसला गर्दछन् किनकी उसले पृथ्वीलाई समाप्त गर्ने धम्की दिन्छन् । उसले लगभग सबै जसो ग्रहहरुमाथि कब्जा जमाउन सफलता प्राप्त गर्छ । त्यसपछि सबै हिरोहरु मिलेर थानोसलाई रोक्नका लागि हात मिलाउँछन् । मार्बल सुपरहिरो सिरिजको यो १९औं फिल्म हो । यो फिल्मको कथालाई बुझ्नका लागि तपाईले सबैभन्दा पहिले एभेन्जर्स सिरिज, क्याप्टेन अमेरिका सिरिज र ब्लाक प्यान्थर जस्ता फिल्महरु हेर्नुपर्ने हुन्छ । यदि तपाईले यसो गर्नु भयो भने यो फिल्म हेर्नुको मजा तपाईलाई दुई गुणा हुनसक्छ । फिल्मको डाक्रेक्सनको योग्यता के छ भने– कथालाई यताउता गर्नमा कुनै हतार गरिएको छैन । फिल्म अगाडि बढ्दै जाँदा त्यसको रहस्य र पर्दाहरु खुल्दै जान्छन् । त्यसैले दर्शहरुका लागि पनि यो रोमान्चक मात्र होइन् कौतुहलता पूर्ण पनि छ । सम्पूर्ण फिल्म एक्सन ओरियन्टेट छ । सबै कलाकारहरुले आफ्नो भूमिकामा इमान्दारीता देखाइरहेका छन् र उनीहरु कुशलता पूर्वक भूमिकामा देखिन्छन् । साढे दुई घण्टाको फिल्मले दर्शकहरुलाई आफूसँग राख्न सफलता प्राप्त गरेको छ । फिल्म हेर्न हलभित्र पसेका दर्शकहरुलाई फिल्मले भरपुर आनन्द दिन्छ । फिल्ममा एक मात्र खलनायक थानुस्को भूमिकालाई बलियो बनाइएको छ । यदि तपाईले एभेन्जर्स सिरिजका फिल्महरु हेर्नु भएको छ भने यसलाई कुनै हालतमा पनि नछुटाउनुहोला । तपाईलाई नयाँ अनुभूति हुनेछ । एभेन्जर्स इन्फिनिटी वार एउटा धेरै महत्वकांक्षी फिल्म हो । यो भारतीय सिने जगतमा हलिउडपछि सबैभन्दा ठूलो धमाका सहित रिलिज भएको छ । फिल्मको अघिल्लो दिनको बजार भारतीय सिनेमा बाहुबलिलाई पनि पछाडि छोडेको छ । फिल्मका लागि मार्बल स्टुडियोले पनि धेरै मार्केटिङ गरेको थियो । फिल्मको स्क्रिन प्लेका लागि क्रिस्टोफर मार्कस र स्टीफेन म्याक्लिफीको प्रसंसा गर्नेपर्छ । एजेन्सी
