रोल्पा: मुस्ताङमा भएको टिपर दुर्घटनामा परी रोल्पाका कम्तिमा १५ जनाको मृत्यु भएको छ । मुस्ताङको स्याङ्बोचेमा सडक निर्माणको काम गर्ने मजदूर बोकेको ना२ख २२१९ नंको टिपर दुर्घटनाग्रस्त हुँदा रोल्पालीसहित १५ जनाको मृत्यु भएको प्रहरीले बताएको छ । मृत्यु हुने रोल्पालीमा थवाङ गाउँपालिका–१ रोल्पाका २८ वर्षीय सुकमान रोका, ३६ वर्षीय मौसम घर्ती, थवाङ–५ की ३१ वर्षीया जीतमाया घर्ती, २० वर्षीया सिर्जना रोका, २३ वर्षीय रास्त्रे रोका, २३ वर्षीया जीतकुमारी पुन र ११ वर्षीय महेश रोका छन् । मृत्यु हुनेमा रोल्पा, सुनछहरी गाउँपालिका–१का ३२ वर्षीया सुन्तु घर्ती र ३२ वर्षीय राजकुमार पुन पनि रहेको जिल्ला प्रहरी कार्यालय रोल्पाका प्रहरी नायब उपरीक्षक ज्ञानेन्द्र फुयाँलले जानकारी दिनुभयो । रोजगारीको सिलसिलामा रोल्पाली मजदूर पोखरा, मुस्ताङलगायत क्षेत्रमा जाने गर्छन् । दुर्घटनामा परी एकै पटक यति ठूलो संख्यामा जिल्लावासीको मृत्यु भएको खबर सुन्नेबित्तिकै जिल्लामा सन्नाटा छाएको छ ।
मृतकहरुको नामावली:-
१ जि. दाङ वर्ष ३० को बाल कुमार घर्ती
२ जि. रोल्पा वर्ष २८ को सुकमान रोका
३ जि. धादिङ वर्ष २३ को सुजन घलान (चालक)
४. जि. सिन्धुली वर्ष २०को जिवन माझी
५. जि. कैलाली वर्ष २२ को बिन्ती घर्ति
६. जि. रोल्पा वर्ष १९ को महेश रोका
७. जि. कपिलवस्तु वर्ष ३५ को कमान सिंह रोका
८. जि. दाङ वर्ष ३१ की कबिता घ.म. (महिला)
९. जि. रोल्पा वर्ष ३२ को रामकुमार पुन
१० जि. दाङ वर्ष ३५ को सुबेर चौधरी
११. जि. कैलाली वर्ष २३ की बिनिता घर्ती (महिला)
१२. जि. दाङ वर्ष ४३ की शान्ती थापा ( महिला )
१३. जि. रोल्पा वर्ष ३२ की सोन्तु घर्ती (महिला )
१४. जि. स्याङ्जा वर्ष २४ को कृष्ण क्षेत्री
१५. जि. दाङ वर्ष २५ को कमल बुढा
