काठमाडौं । नेपाल आयल निगमले हवाइ इन्धनको मूल्य घटाएको छ । निगमले आज राति १२ बजेदेखि लागू हुनेगरी हवाइ इन्धनको मूल्यमा प्रतिलिटर १० रुपैयाँले घटाएको हो ।
हाल कायम रहेको प्रतिलिटर एक सय ४ रुपैयाँ ५० पैसालाई घटाएर अब ९४ रुपैयाँ ५० पैसामा समायोजन गरिएको निगमका नायब कार्यकारी निर्देशक सुशील भट्टराईले जानकारी दिए ।
हवाई इन्धनको मूल्य घटेसँगै आन्तरिकतर्फको हवाई भाडा पनि केही कम हुने हुने निगमले बताएको छ । पछिल्ला केही पटक डिजल,पेट्रोल, मट्टीतेललगायतको भाउ घटे पनि हवाई इन्धनको मूल्य घटेको थिएन ।