काठमाडौं । त्रिवि शिक्षण अस्पताल प्रशासनले अस्पताल परिसरमा कुनै पनि अनसन, रिले अनसन र प्रदर्शन नगर्न अपिल गरेको छ ।
अस्पतालले सोमबार एक विज्ञप्ति जारी गर्दै यस्तो अपिल गरेको हो ।
नेपाल चिकित्सक संघले डा.गोविन्द केसीको माग सम्बोधन गर्न सरकार उदासिन बनेको र केसीको जीवन रक्षाको माग अस्पताल परिसरमा रिले अनसनको घोषणा गरेको थियो ।
घोषणा लगत्तै अस्पताल प्रशासनले संघको सो कार्यप्रति गम्भीर ध्यानकर्षण भएको जनाएको छ ।
अस्पतालका कार्यकारी निर्देशक प्रा.डा.प्रेमकृष्ण खड्गीद्वारा जारी विज्ञिप्तमा भनिएको छ, ‘त्रिवि शिक्षण अस्पतालजस्तो सर्वसाधारणको पहुँचमा रहेको अस्पताल जस्तो सर्वसधारणको पहुँचमा रहेको अस्पतालमा कुनै पनि धर्ना, विरोध, बन्द हड्तालका कार्यक्रम नराखिदिनुहुन र देशको नियम ऐन नियम एवम् चिकित्सकीय नैतिक दायित्व अनुरुप सदाझै नियमित स्वास्थ्योचिारको सेवा प्रदान गर्ने पुनित कार्यमा सहयोग गरिदिनुहनु सम्बन्धित सबैमा हार्दिक अपिल गर्दछु ।’