काठमाडौं । ३३ किलो सुन तस्करी प्रकरणमा मुछिएका श्यामकृष्ण च्वामु श्रेष्ठविरुद्ध अख्तियारले मुद्दा दायर गरेको छ ।
त्रिभुवन अन्तर्राष्ट्रिय विमानस्थल, भन्सार कार्यालयको रेडियो अपरेटर रहेका श्रेष्ठले १४ करोड रुपैयाँभन्दा बढी अकूत सम्पत्ति कमाएको भन्दै मुद्दा दायर गरिएको हो । श्रेष्ठ २०७३ पुस २७ गतेदेखि निलम्बनमा परेका थिए ।
श्रेष्ठले सार्वजनिक सेवा प्रवेश गरेपश्चातको आयव्ययको विश्लेषण गर्दा सम्पत्ति कतैबाट पनि मेल नखाएको अख्तियारले बताएको छ ।
