काठमाडौं । चिकित्सा शिक्षा सुधारको माग राख्दै २२ दिनदेखि आमरण अनसनरत डा. गोविन्द केसीलाई भेट्न पूर्व प्रधान न्यायाधीश सुशीला कार्की त्रिवि शिक्षण अस्पताल पुगेकी छन् ।
डा. केसीका मागमा ऐक्यवद्धता जनाउन उनी अस्पताल पुगेकी हुन् । भेटमा कार्कीले केसीका माग जायज भएकाले पूरा हुनुपर्ने बताइन् ।
केसीका माग सरकारले पूरा गर्ने विश्वास पनि उनले लिइन् । उनले भनिन्, ‘सरकार किन उदासिन भइरहेको हो, अचम्म लागेको छ । सम्झौता गरेर पूरा नगर्दा दुःख लागेको छ ।’