काठमाडौं । अख्तियार दुरुपयोग अनुसन्धान आयोगले भुमिसुधार तथा मालपोत कार्यालय, ललितपुरका नायव सुब्बा घुससहित पक्राउ गरेको छ ।
अख्तियार दुरुपयोग अनुसन्धान आयोगको टोलीले नासु कुमारबहादुर राजभण्डारीलाई ६ हजार रुपैयाँ घुससहित पक्राउ गरेको हो ।
नासु राजभण्डारीसँगै बिचौलिया बाबुराजा शाक्यलाई पनि अख्तियारले नियन्त्रणमा लिएको छ ।
जग्गा हालसाविक गर्ने प्रयोजनको लागि बिभिन्न बहाना बनाई सेवाग्राहीसँग घुस रकम माग गरिरहेको भन्ने सूचना एवं उजुरीको आधारमा अख्तियारको निगरानीका क्रममा उनीहरु पक्राउ परेका हुन् ।
नासु राजभण्डारी र बिचौलिया शाक्यविरुद्ध बिशेष अदालतमा मुद्दा दायर गरिएको छ ।