तबलिसी, जर्जिया, २१ असोज (एएनआई) जर्जियाका प्रधानमन्त्री इराक्ली गरिबाश्भीलीले राजीनामा दिनसक्ने देखिएको छ । गत फेब्रुअरीमा मात्रै प्रधानमन्त्रीको जिम्मेबारी सम्हाल्नु भएका उहाँले निर्वाचनमा नराम्रो नतिजा आएपछि राजीनामा गर्नुपर्ने देखिएको हो । यही अक्टोबर २ तारिखका दिन भएको निर्वाचनमा उहाँको पार्टी जर्जियन ड्रिम पार्टीले नराम्रोसँग हार बेहोरेको छ । पार्टीको उच्च स्रोतलाई उद्धृत गर्दै उहाँले राजीनामा दिनसक्ने समाचार स्थानीय सञ्चार माध्यमहरूले प्रकाशन तथा प्रसारण गरेका छन् । देशभरका सहर तथा जिल्लाहरूमा मेयर तथा सांसद चयनका लागि निर्वाचन भएकोमा उहाँका अधिकांश उम्मेदवार पराजित भएका जनाइएको छ ।