महेन्द्रनगर, कञ्चनपुरकी शिवानी दुवेले रौतहटमा सम्पन्न इण्डो–नेपाल कुस्ती प्रतियोगितामा स्वर्ण पदक जित्नुभएको छ । रौतहटको सित्तलपुरमा दुवेले भारतीय खेलाडीलाई पराजित गर्दै स्वर्ण पदक प्राप्त गर्नुभएको हो । शिवानीले भारतको दिल्ली र हरियाणाका खेलाडीलाई पराजित गर्दै स्वर्ण जितेको उहाँका बुबा एवम कुस्तीका राष्ट्रिय खेलाडी राजु दुवेले जानकारी दिनुभयो । शिवानी ५२ किलो तौल समूहकी राष्ट्रिय खेलाडी हुन् । राष्ट्रिय प्रतियोगितामा पटक÷पटक स्वर्ण जित्नुभएकी शिवानीले नेपालमा सम्पन्न १३औँ दक्षिण एशियाली खेलकुद प्रतियोगिता (साग)मा समेत पदक जित्नुभएको थियो । यु–१९ क्रिकेट खेलाडी छनोट गरिँदै कञ्चनपुरको महेन्द्रनगरमा जारी सुदूरपश्चिम प्रदेशस्तरीय यु–१९ वाइवाइ क्रिकेट प्रतियोगिताबाट खेलाडी छनोट गरिने भएको छ । प्रतियोगितामा सुदूरपश्चिमको बाजुराबाहेक आठ जिल्लाको सहभागिता छ । कञ्चनपुर जिल्ला क्रिकेट सङ्घका अध्यक्ष वीरेन्द्रबहादुर चन्दका अनुसार राष्ट्रिय प्रतियोगितामा सहभागिता जनाउन यही प्रतियोगिताबाट खेलाडी छनोट गरिने छ । आगामी मङ्सिर ४ गतेदेखि राष्ट्रिय प्रतियोगिता हँुदैछ । प्रदेश स्तरीय प्रतियोगिता मङ्सिर १ गते सकिँदैछ । –––