रुपन्देही, नेपाली कांग्रेस रुपन्देहीको सभापतिमा रामकृष्ण खाँण सर्वसम्मतरूपमा चयन हुनुभएको छ । पार्टीको आसन्न १४औँ महाधिवेशनअन्तर्गत उहाँ सभापतिमा सर्वसम्मत छानिनु भएको हो । सभापतिमा चयन हुनुभएका खाँण यसअघि जिल्ला सचिव हुनुहुन्थ्यो । जिल्ला कार्यसमितिको उपसभापतिमा डा अनिता ढुङ्गाना शाह र थानेश्वर घिमिरे निर्विरोध चयन हुनुभएको छ । उपसभापतिमा दीर्घराज काफ्लेले उम्मदवारी फिर्ता लिएपछि दुवै जना निर्विरोध छानिनु भएको हो । यसैगरी सचिवमा हरिप्रसाद काफ्ले र परमानन्द भट्टराई तथा सहसचिवमा वासुदेव रिमाल र विष्णु थापा सर्वसम्मत चया हुनुभएको जिल्ला निर्वाचन अधिकृत भेषराज घिमिरेले जानकारी दिनुभयो । सचिवमा उम्मेदवारी दिएका हरिप्रसाद न्यौपाने र सहसचिवमा उम्मेदवारी दिएका बालकृष्ण पौडेलले उम्मेदवारी फिर्ता लिएपछि दुवै पदमा सर्वसम्मती भएको हो । जिल्ला सदस्य पनि सर्वसम्मत चयन गरिएको छ । –––