इस्लामाबाद, ३० जेठ : सिन्धका तीनवटै ब्यारेजहरू माथिल्लो सिन्धमा गुड्डु र सुक्कर ब्यारेज र कोट्री ब्यारेज डाउनस्ट्रीममा ६१ प्रतिशत पानीको कमी देखिएको छ। गुड्डुको माथिको तरबेला बाँध र तौन्सा ब्यारेजको पानी अझै सुख्खा स्तरमा रहेको एआरवाई न्यूजले सुक्कर ब्यारेज कन्ट्रोल रुम इन्चार्जले सार्वजनिक गरेको पानीको तथ्याङ्कलाई उद्धृत गर्दै उल्लेख्ख गरेको छ।
पानीको तथ्याङ्कअनुसार तरबेलामा सिन्धु नदीमा पानीको बहाव ८९ हजार ४ सय क्युसेक र बाँधमा ८८ हजार ६ सय क्युसेक पानीको बहाव रहेको छ । कालाबागमा पानीको बहाव ७९ हजार ३ सय ८७ क्युसेक रहेको छ भने विसर्जन ७६ हजार ३ सय ८७ क्युसेक रहेको छ । सिन्धु नदीको पानी तौन्सा ब्यारेजमा ८१ हजार ८१४ क्युसेक रहेको छ भने बहाव ७४ हजार ४२२ क्युसेक रहेको नदीको पानीको तथ्याङ्क छ । गुड्डु ब्यारेजमा पानीको बहाव ५५ हजार ६ सय २८ क्युसेक रहेको छ भने ब्यारेजमा ४६ हजार २६६ क्युसेक पानीको बहाव रहेको छ । सिन्धमा पानीको अभाव ठूलो समस्या बनेको छ।
सिन्ध प्रान्त मात्र नभई पञ्जाब प्रान्तमा पनि ७५ प्रतिशतसम्म पानीको कमी छ । पञ्जाब प्रान्तले बिहीबार आफ्नो आवश्यकता १,२७,८०० क्युसेकको तुलनामा ५३,१०० क्युसेक पानी आपूर्ति गरेको छ। पञ्जाब सिँचाइ विभागले सार्वजनिक गरेको तथ्याङ्कअनुसार तौन्सा ब्यारेजले ६ हजार ७ सय क्युसेक मात्रै पानी आपूर्ति गरेको छ । यो २५ हजार क्युसेकको आवश्यकताभन्दा ७३ प्रतिशत कम हो । त्यसैगरी, थाल नहरमा ८ हजार क्युसेकको आवश्यकतामा २ हजार क्युसेक पानी छोडिएकाले ७५ प्रतिशत अभाव भएको थियो । पञ्जनाद ब्यारेज पनि ६६ प्रतिशत अभावका साथ १२ हजार ७ सय क्युसेकको आवश्यकतामा ४ हजार ३ सय क्युसेक प्रवाह गर्दै आएको छ ।
त्यस्तै रसूल ब्यारेजमा ५९ प्रतिशत पानीको कमी रहेको छ । सुलेमानकी ब्यारेज र तल्लो बहावल नहर दुवैमा ५४/५४ प्रतिशत, सिधनाई ब्यारेजमा ५१ प्रतिशत, इस्लाम ब्यारेजमा ५० प्रतिशत र त्रिम्मु ब्यारेजमा ४३ प्रतिशत पानी अभाव छ । मैल्सी नहरमा ३३ प्रतिशत पानी अभाव छ । तीव्र गर्मीको लहरसँगै पानीको तीव्र अभावले पाकिस्तानको सिन्ध र पञ्जाबबीच देशको जलस्रोतको आफ्नो हिस्सालाई लिएर तनाव उत्पन्न गरेको छ। (रासस-एएनआई)
