पेरिस, ३० असोज : फ्रान्सका फिलिङ स्टेसनहरू बन्द गर्न बाध्य भएको करिब तीन हप्तापछि पेरिसका प्रहरीहरूले बढ्दो जीवनयापन खर्चको विरोधमा आइतबार प्रदर्शनको तयारी गरिरहेका छन् । राष्ट्रपति इमानुएल म्याक्रोँको प्रशासनका विरोधी वामपन्थीहरूले जलवायु परिवर्तनमा सरकारको निष्क्रियताको विरोधमा प्रदर्शनको आयोजना गरेका छन् ।
बामपन्थी फ्रान्स अनबोड (एलएफआई) पार्टीका नेता ज्याँ लुक मेलेन्चोनले हालको हडतालअघि नै प्रदर्शनको योजना बनाउनुभएको छ भने आयोजकहरूले हालको औद्योगिक आन्दोलनबाट केही गति लिने विश्वास गरेका छन् । एलएफआईका डेपुटी म्यानन औब्रीले भन्नुभयो, “मूल्य वृद्धि असह्य छ । यो ४० वर्षमा क्रयशक्तिको सबैभन्दा ठूलो नोक्सानी हो ।” उहाँले ठूला कम्पनीले नाफामा कमाएको अर्बौं रकम गुजारा चलाउन संघर्ष गरिरहेकालाई दिने समय आएको बताउनुभयो । प्रहरीले प्रदर्शनमा करिब ३० हजार मानिस उपस्थित हुने अपेक्षा गर्दै यसलाई बसमा राख्न आवश्यक तयारी गरिएको जनाएको छ ।
प्रहरी स्रोतका अनुसार उनीहरूलाई चरम बामपन्थी समूहको आन्दोलनले समस्या उत्पन्न गर्नसक्ने भय छ भने आयोजकलाई अनियन्त्रित हिंसा भडकिन सक्नेबारे सचेत बनी संयमता अपनाउन आग्रह गरिएको छ । (रासस÷एएफपी)
