चुलिदो राजनीतिक सङ्कट बीच जोनसन र सुनक बीच गोप्य वार्ता
लन्डन, ६ कात्तिक, (-एएफपी) -बेलायती कन्जरभेटिभ पार्टीको नेतृत्वको विषयमा प्रतिद्वन्द्वी बोरिस जोन्सन र ऋषि सुनकले राति अबेरसम्म वार्ता गरेका छन् । पार्टीको बिग्रदो छवि र देशको अस्थिर राजनीतिक अवस्थाका बीच प्रमुख नेताहरू बीच भएको वार्तालाई विशेष चासको रूपमा हेरिएको छ। दुवै नेताहरू निवर्तमान प्रधानमन्त्री लिज ट्रसलाई नेतृत्वबाट विस्थापित गराउँने दौडमा सार्वजनिक भने हुनु भएको छैन। ट्रसको राजीनामा घोषणापछि उहाँहरूको कुनै टिप्पणी बाहिर आएको छैन। बढ्दो आक्रोश र राजनीतिक अस्थिरताका बीच क्याबिनेट सदस्य पेनी मोर्डन्टले भने औपचारिक रूपमा पार्टी नेतृत्वको दावी गर्दै यसका लागि आफू सक्षम रहेको समेत घोषणा गर्नु भएको छ । “मलाई लाग्छ कि म हाम्रो पार्टीलाई एकताबद्ध गर्न सक्षम छु,” ४९ वर्षीया पेनीले बीबीसी सँग कुरा गर्दै उहाँले सात हप्ता अघि मात्र सम्पन्न भएको अन्तिम नेतृत्व प्रतियोगितामा सुनक र ट्रसबीच नजिकबाट नियालेको र अहिले नेतृत्वका लागि दाबी प्रस्तुत गरेको बताउँनु भएको छ । पूर्व प्रधानमन्त्री जोनसन र पूर्व अर्थमन्त्री सुनकले टोरी सांसदहरूको मतदानको सामना गर्न आवश्यक १०० मत सुरक्षित गर्न सोमबारको समयसीमा अघि कन्जरभेटिभ सहकर्मीहरू बीच तीव्रताका साथ लबिङ गरिरहेको बताइएको छ। बीबीसीको जनाएअनुसार, सुनकले शुक्रबार पुरानो थ्रेसहोल्ड पार गर्दै अगाडि बढ्नु भएको छ र १२९ टोरी सांसदहरूको सार्वजनिक समर्थन देखिएको छ । त्यस्तै जोनसनसँगै १०० मत सुरक्षित रहेको बताइएको छ । बेलायतका पूर्वप्रधानमन्त्री बोरिस जोनसन पार्टीको नेतृत्वका लागि औपचारिकरूपमा अगाडि बढ्न क्यारेबियन क्षेत्रको भ्रमण कटौती गरी शनिबार बेलाइत आइपुग्नुभएको हो । गत जुलाई ७ मा प्रधानमन्त्री जोनसनका मन्त्रीहरूले अप्रत्यासितरूपमा राजीनामा दिएपछि तत्कालीन प्रधानमन्त्री जोनसनले राजीनामा दिनु भएको थियो । त्यस्तै जोनसनको क्याबिनेटमा अर्थमन्त्री रहेका ऋषि सुनकले पनि टोरी र बेलायती प्रधानमन्त्रीपदका लागि १०० भन्दा बढी मनोनयन प्राप्त गर्नु भएको थियो यद्यपि पछिल्लो नेतृत्वको प्रतिस्पर्धामा ट्रससँग पराजित हुनु भएको थियो । —–