काठमाडौँ, २२ फागुन (रासस) :छतबाट खसेर मृत्यु हुनुभएका नेकपा (एकीकृत समाजवादी) का नेता सरोज उपाध्यायको आज पशुपति आर्यघाटमा अन्त्येष्टि गरिएको छ । शनिबार शङ्खमूलस्थित एक क्याफेको छतबाट खसेर उपाध्यायको निधन भएको थियो । उपाध्याय नेकपा (एकीकृत समाजवादी) का अध्यक्ष माधवकुमार नेपालका भाइ हुनुहुन्छ । उहाँको पार्थिव शरीर श्रद्धाञ्जलिका लागि आज दिउँसो १ देखि ३ बजेसम्म आलोकनगरस्थित पार्टी कार्यालयमा राखिएको थियो । अहिले पशुपति आर्यघाटमा अन्त्येष्टि गरिएको अध्यक्ष नेपालका स्वकीय सचिव मोहन गौतमले जानकारी दिनुभयो । उपाध्यायका श्रीमती र दुई छोरी हुनुहुन्छ । –––