नोर्ड स्ट्रीम विस्फोट अनुसन्धानबारे रूसको मस्यौदा प्रस्तावमा चीनको समर्थन
बेइजिङ, ८ चैत (सिन्ह्वा) चिनियाँ विदेश मन्त्रालयका प्रवक्ता वाङ वेनबिनले नर्ड स्ट्रिम पाइपलाइनको विषयमा रूसले तयार गरेको संयुक्त राष्ट्रसङ्घ सुरक्षा परिषद् (युएनएससी) को मस्यौदा प्रस्तावलाई चीनले समर्थन गरेको बताउनुभएको छ । गत फेब्रुअरीमा सुरक्षा परिषद्मा ग्यास पाइपलाइन प्रकरणमा अन्तर्राष्ट्रिय स्वतन्त्र छानबिन आयोग गठन गर्न माग गर्दै रूसले तयार पारेको प्रस्तावको मस्यौदाबारे सञ्चारकर्मीले सोधेको प्रश्नको जवाफमा वाङले उक्त टिप्पणी गर्नुभएको हो । रूसले मस्यौदामाथि मौन प्रक्रिया सुरु गरेको भनिएको छ, तर संयुक्त राज्य अमेरिका र यूएनएससीका केही अन्य पश्चिमी सदस्यराष्ट्रहरूले मौनता तोडेर त्यस्तो आयोगप्रति आपत्ति जनाएका थिए । नोर्ड स्ट्रिम पाइपलाइन विस्फोटको महत्वपूर्ण प्रभावलाई उल्लेख गर्दै अन्तर्राष्ट्रिय समुदायका अधिकांश सदस्यहरूले सत्य पत्ता लगाउन आग्रह गरेको वाङले बताउनुभयो । “रूसले प्रस्ताव गरेको प्रस्तावको मस्यौदा संयुक्त राष्ट्रसङ्घको अन्तर्राष्ट्रिय अनुसन्धानलाई बढावा दिनका लागि हो,” वाङले भन्नुभयो । “चीन यस विचारसँग सहमत छ र मस्यौदालाई समर्थन गर्दछ,”उहाँले भन्नुभयो ।