अमेरिकी रिपब्लिकनको शीर्ष नेता म्याकार्थीलाई दक्षिणपन्थी आलोचकको खतरा वासिङ्टन, १६ असोज (एएफपी) अमेरिकाका रिपब्लिकन पार्टीका शीर्ष नेता केभिन म्याकार्थीले डेमोक्र्याटसँग गरेको कामबाट आक्रोशित अति दक्षिणपन्थी आलोचकहरूले उहाँलाई सभामुखबाट हटाउने वा नहटाउने भन्ने विषयमा मङ्गलबार हुने मतदानअघि आफ्नो राजनीतिक जीवनका लागि लडिरहनुभएको छ । म्याककार्थीले ह्वाइट हाउसद्वारा समर्थित द्विदलीय स्टपग्याप फन्डिङ उपाय पारित गरेपछि पार्टीको अति–रूढÞिवादी समूहमा आक्रोश उत्पन्न भएको थियो । आलोचनाको नेतृत्व गर्दै लामो समयदेखि म्याककार्थीका प्रतिद्वन्द्वी रहेका सांसद म्याट गेट्जले सोमबार ‘कुर्सी खाली गर्ने प्रस्ताव’ सहित सभामुखलाई अपदस्थ गर्न प्रस्ताव गर्नुभएको थियो । यो कदमले डेमोक्र्याटहरूलाई आफ्नो कार्यकालको अधिकांश समय आफ्नो एजेन्डाको विरोधमा बिताएका र हालै राष्ट्रपति जो बाइडेनविरुद्ध महाभियोगको जाँच सुरु गरेका सभामुखलाई जमानत दिने कि नदिने भन्ने निर्णय गर्न बाध्य बनाएको छ । अमेरिकी संसद ‘हाउस अफ रिप्रेजेन्टेटिभ्स’ का सबै सदस्यले मतदान गर्ने र झिनो मतले रिपब्लिकनको बहुमत पुग्ने अनुमान गरिएको यस मतदानमा यदि सबै सदस्यहरू उपस्थित भएमा र सबै डेमोक्र्याटहरूले उहाँको विपक्षमा मतदान गरेमा म्याककार्थीले केवल चार मत गुमाउन सक्ने देखिएको छ । क्यापिटोल हिलमा पत्रकारसँग कुरा गर्दै म्याककार्थीले भन्नुभयो, “मलाई विश्वास छ म यो दवावलाई थेग्नेछु ।” तर गेट्जले डेमोक्र्याटहरूहरूले सभामुखको पक्षका लागि हस्तक्षेप नगरेसम्म म्याककार्थीलाई सत्ताच्युत गर्न आवश्यक पर्ने पाँच रिपब्लिकन मत आफूसँग रहेकोमा आफू विश्वस्त रहेको बताउनुभएको छ । फ्लोरिडाबाट निर्वाचित सांसद गेट्जले भन्नुभयोे, “मसँग पर्याप्त रिपब्लिकनहरू छन् जहाँ अर्को हप्ता यस बिन्दुमा, दुई मध्ये एक कुरा हुनेछः केभिन म्याकार्थी सदनको सभामुख हुनुहुने छैन, वा उहाँ डेमोक्र्याटहरूको खुशीमा काम गर्ने सदनको सभामुख हुनुहुनेछ । गेट्जले भन्नुभयो, “म कुनै पनि परिणामसँग शान्तिमा छु किनभने अमेरिकी जनताले उनीहरूलाई कसले शासन गर्छ भनेर जान्न योग्य छन् ।” सदन र सिनेटले नोभेम्बरको मध्यसम्म संघीय कोष विस्तार गरेर महङ्गो सरकारी सेवा बन्द (दुवै ठूला द्विदलीय बहुमतका साथ) लाई रोक्नका लागि एक उपाय पारित गरेको दुई दिनपछि यो विवाद आएको हो । — यो खबर पढेर तपाईलाई कस्तो महसुस भयो ? 0Like0Love0Haha0Shocked0Sad0Angry