तेल अवीव ( एजेन्सीहरु ) फ्रान्सका राष्ट्रपति इमानुएल म्याक्रोनले आइतवार इजरायली राष्ट्रपति, आइज्याक हर्जोगलाई शुक्रबार बीबीसीलाई एक अन्तर्वार्तामा गरेको टिप्पणीलाई लिएर इजरायलमा भइरहेको टिप्पणीको बारेमा स्पष्ट गर्न फोन गरेका छन । बीबीसीको अन्तरबार्तामा उद्धृत गरिएको , फ्रान्सेली राष्ट्रपतिले गरेको टिप्पणीले इजरायलसँग केही हदसम्म कूटनीतिक विवाद समेत उत्पन्न भएको छ । जसमा प्रधानमन्त्री नेतन्याहूले म्याक्रोनको आलोचना गरेका थिए ।राष्ट्रपति म्याक्रोनले आतंकवादी संगठन हमास विरुद्धको अभियानमा इजरायलले जानाजानी निर्दोष नागरिकहरूलाई हानि पुर्याएको आरोप लगाउन आफूले कहिल्यै नचाहेको स्पष्ट पारे। राष्ट्रपति म्याक्रोनले पनि इजरायलको आत्मरक्षाको अधिकार र कर्तव्यलाई स्पष्ट रूपमा समर्थन गर्ने कुरामा जोड दिए र हमास विरुद्ध इजरायलको युद्धको लागि आफ्नो समर्थन व्यक्त गरेका छन ।एएनआईका अनुसार म्याक्रोनको अन्तर्वार्ताको क्रममा उनको टिप्पणी मानवीय अवस्थाको सन्दर्भमा गरिएको थियो, जुन उनको र धेरै देशहरूको लागि महत्त्वपूर्ण मुद्दा बनेको छ। यो अशलाई टिपेर इजरायल बिरुद्ध प्रोपोगेण्डा चलाएको अनुभूति नेतान्याहुले गरेका छन । उनले गाजाका नागरिकहरूको लागि मानवीय समाधानहरू खोज्न र सहयोग पुर्याउन महत्त्वपूर्ण रहेको बताए। राष्ट्रपति म्याक्रोनले राष्ट्रपति हर्जोगलाई बन्धकहरूको तुरुन्तै रिहाइको माग गर्न आफ्नो प्रतिबद्धता दोहोर्याए र यो महत्त्वपूर्ण मुद्दामा मद्दत गर्न काम गरिरहेको उल्लेख गरेका छन ।
राष्ट्रपति हर्जोगले भने कि सप्ताहन्तमा मिडियामा रिपोर्ट गरिए अनुसार राष्ट्रपति म्याक्रोनको टिप्पणीले इजरायलले धेरै पीडा अनुभूत गरेको मात्रै होइन इजरायल आहत र विचलित भएको थियो, यो राम्रो भयो कि म्याक्रोनले शनिबार राती र आइतवार विभिन्न प्रकाशनहरूमा आफ्ना शब्दहरू स्पष्ट गरेका छन इजरायलका राष्टपतिले भने । राष्ट्रपतिले इजरायल राज्य ले मानवीय रूपमा र अन्तर्राष्ट्रिय कानून बमोजिम कार्य जारी राखेको दोहोर्याएका छन उनले भने इजरायल एउटा लोकतान्त्रिक राष्ट हो उसले मानवता र लोकतन्त्रको मर्म बुझेको छ ।उनले उल्लेख गरे कि इजरायलले युद्धमा संलग्न नभ््एका नागरिकहरूलाई क्षति हुन नदिन सबै सम्भावित उपायहरू गरेको छ। उनले गाजा स्ट्रिपमा निर्दोष मानिसहरूलाई हुने क्षतिको सम्पूर्ण जिम्मेवारी आतंकवादी संगठन हमासको काँधमा रहेको पनि जोड दिए।
