काठमाडौ । पोखरा लेखनाथको न्यूरोडमा प्रधान कार्यालय रहेको पोखरा फाइनान्स लिमिटेडले थप दुई शाखा सञ्चालनमा ल्याएको छ । फाइनान्सले सोमवार देखि आधुनिक वित्तीय सुविधायुक्त आफ्नो ११ औं शाखा भैरहवा र १२ औं शाखा बेसीशहरमा सञ्चालनमा ल्याएको हो ।
निकट भविष्यमा नै चितवनको नारायणघाटमा समेत नयाँ शाखा सञ्चालनमा ल्याइने फाइनान्सका प्रमुख कार्यकारी अधिकृत राज कुमार गुरुङले जनाए । चुक्ता पृ्ंजी ६५.५७ करोड रहेको यस वित्तीय संस्थाले २०७४ पौष मसान्त सम्ममा निक्षेप ३ अर्व ९४ करोड ७७ लाख तथा कर्जा लगानी ३ अर्व ७० करोड १७ लाख पु¥याउनुको साथै जगेडा कोषमा ४१ करोड ७३ लाख रहेको छ । उक्त भैरहवा तथा बेशीसहर शाखा मार्फत् संस्थाले निक्षेप एवं कर्जा तथा सिआश्वा लगायतका सम्पूर्ण आधुनिक बैकिङ्ग सेवा उपलब्ध गराउने प्रमुख कार्यकारी अधिकृत गुरुङले बताए ।
