नयाँ दिल्ली (एजेन्सीहरु)ः भारतको राजधानी नयाँ दिल्लीमा स्वाइन फ्लुका कारण यस बर्षको शुरूदेखि आइतबारसम्म ११ जनाको मृत्य भएको दिल्लीको राज्य सरकारले दिएको तथ्याङ्मा जनाइएको छ । त्यस्तै एएनआईले राजस्थानको जोधपुर र हिमाञ्चलप्रदेशको सिम्लाबाट जनाएअनुसार जनवरी १ देखि फ्रेबुअरी ५ सम्म ८८ को मृत्यु भएको र त्यसमध्ये राजस्थानको जोधपुर जिल्लामा मृत्यु दर्ता गरिएको संख्या २६ पुगेको छ । राजस्थान सबैभन्दा धेरै स्वाइन फ्लु राज्य रहेको छ । ११ हजार ८ सय ११ लाई परीक्षण गरिएकोमा पजिटिभ केश २ हजार ५ सय २२ मा पाइएको थियो । त्यस्तै हिमाञ्चलप्रदेशमा ३ सय २९ लाई परीक्षण गरिएकोमा २ सय १३ पजिटिभ पाइएका थिए । जहाँ एचवान एनवान इन्फुइन्जाका कारण १६ को मृत्यु भएको जनवरी १ मा जनायएको छ । दिल्ली, हरियाणा र पञ्जावसमेत महाराष्ट्रमा पनि यसका प्रभाव देखिएको छ । त्यस्तै नयाँदिल्लीबाट एजेन्सीहरुले दिएको अर्को समाचारअनुसार तथ्याङ्क अनुसार सन् २०१९ मा स्वाइन फ्लु प्रभावित एक हजार ११ विरामी भेटिएकामा ११ जनाको विभिन्न अस्पतालमा उपचारका क्रममा मृत्यु भएको अस्पताल स्रोतले जनाएको छ । रोगको प्रकृतिका कारण सार्वजनिक रूपमा प्रचार नगरिकन निधानको प्रयास भइरहेको एक सरकारी अस्पतालका चिकित्सकले बताएका छन् ।
गत बर्ष स्वाइन फ्लुका विरामीको सङ्ख्या २०५ रहेको र दुई जनाको मृत्यु भएको थियो । यस बर्ष उक्त सङ्ख्या निकै धेरै देखिएको बताइएको छ । जनवरी २९ सम्म स्वाइन फ्लुका विरामीको सङ्ख्या ५१२ रहेकोमा करिब एक हप्ताको समयमा बिरामीको सङ्ख्यामा दोब्वर देखिएको भारतीय सञ्चारमाध्यमहरूले जनाएका छन् । दिल्ली सरकारले आफ्ना सबै अस्पतालमा चाहिने औषधि, खोप, तथा अन्य उपचारका सामग्रीको वेलैमा स्थानीय तहमा खरिद गरी विरामीलाई स्वास्थ्य सेवाको कमी हुन नदिन सावधानी गराइएको बताएको छ ।