नयाँ दिल्ली ृः द्रौपदी मुर्मु, जसलाई मंगलबार बीजेपी नेतृत्वको एनडीएले राष्ट्रपति पदको उम्मेद्वार घोषणा गरेको थियो । उहा झारखण्डका पूर्व राज्यपाल र ओडिशाका पूर्व मन्त्री हुनुहुन्छ ।उनको उमेदबारीलाई भारतीय प्रधानमन्त्री नरेन्ँद्र मोदीले समर्थन गर्नु भएको छ ।उनले जुलाई १८ मा हुने राष्ट्रपति चुनावमा विपक्षी उम्मेदवार यशवंत सिन्हासँग प्रतिस्पर्धा गर्नेछिन्। यदि निर्वाचित भएमा उनी भारतको पहिलो आदिवासी राष्ट्रपति र देशको दोस्रो महिला राष्ट्रपति हुनेछिन्। द्रौपदी मुर्मु प्रमुख राजनीतिक दल वा गठबन्धनबाट ओडिशाबाट पहिलो राष्ट्रपति उम्मेदवार हुन्। उनले आफनो जीवनमा संघर्ष जारी राखिन् र झारखण्डको पहिलो महिला गभर्नर बनेकी थिइन्। उनले २०१५ देखि २०२१ सम्म झारखण्डको गभर्नरको रूपमा काम गरिन्।
ओडिशाको पिछडिएको जिल्ला मयुरभञ्जको एउटा गरिब आदिवासी परिवारमा जन्मिएकी द्रौपदी मुर्मुले चुनौतीपूर्ण परिस्थितिको बाबजुद पनि आफ्नो पढाइ पूरा गरिन्। उनले श्री अरविन्दो इन्टिग्रल एजुकेशन सेन्टर, रैरङपुरमा अध्यापन गर्थिन्।
जुन २०, १९५८ मा जन्मिएकी उनले रमादेवी महिला कलेज भुवनेश्वरमा बीए गरेकी थिइन्।
उनले रैरङपुर निगमको उपाध्यक्षका रूपमा आफ्नो राजनीतिक करियर सुरु गरेकी थिइन् । द्रौपदी मुर्मु रायरंगपुरबाट ओडिशा विधान सभाको सदस्य थिइन्। एक मन्त्रीको रूपमा, उनले यातायात र वाणिज्य, पशुपालन र मत्स्यपालन विभागहरू सम्हालिन्। उनले २००४ देखि २००९ सम्म ओडिशा विधानसभामा पुनः विधायकको रूपमा सेवा गरिन्।ओडिशा विधानसभाले उनलाई सर्वश्रेष्ठ विधायकको लागि ’नीलकण्ठ पुरस्कार’ बाट सम्मानित गर्यो।उनले सन् १९७९ देखि १९८३ सम्म सिँचाइ तथा उर्जा विभागमा कनिष्ठ सहायकको रुपमा काम गरिन् ।उनले भाजपामा धेरै संगठनात्मक पदहरू सम्हालिसकेकी छिन् र राज्य एसटी मोर्चा उपाध्यक्ष थिइन्।
