बेइजिङ, २ भदौ (असनबजार पत्रिका) : चिनियाँ पुलिस र सरकारी एजेन्टहरूले याचिकाकर्ता र राजनीतिक कार्यकर्ताहरूलाई अनावश्यक रूपमा अनिवार्य उपचारको नाममा मनोचिकित्सक (साइक्र्याटिक) वार्डहरूमा पठाउने गरेको एक रिपोर्ट प्रकाशन भएको छ ।
त्यस्ता व्यक्तिहरू जर्बजस्ती साइक्र्याटिक वार्डमा पठाएपछि उनीहरू जहाँ केही वर्षौंसम्म सुस्त रहन्छन् । त्यसपछि उनीहरूको जोश, जाँगर शिथिल हुन्छ, सेफगार्ड डिफेन्डर्सको रिपोर्टमा उल्लेख छ ।
म्याड्रिडमा रहेको एनजीओले पीडित र उनीहरूका परिवारको अन्तर्वार्ता लिएको र अन्तर्वार्ताको क्रममा २०१५ देखि २०२१ सात वर्षमा ९९ जना मानिसहरूलाई १ सय १४ पटक साइक्र्याटिक वार्डहरूमा बन्द गरिएको फेला पारेको थियो । जुन २१ प्रान्तका नगरपालिका वा ती क्षेत्रहरूका १सय ९ अस्पतालहरू समेटेको थियो।
चीनमा राजनीतिक टिप्पणी पोस्ट गर्दा, भ्रष्ट अधिकारीको बारेमा उजुरी पेस गर्दा वा सडकमा नारा लगाउँदा जोकाहीलाई तुरुन्तै हिरासतमा लिई केन्द्रमा बन्दी बनाइन्छ वा मनोरोग अस्पतालमा भर्ती गराउन सक्छ, उक्त रिपोर्टमा भनिएको छ। रिपोर्टको शीर्षक छ, “ड्रग्ज्ड एन्ड डिटेन्डेडः चाइना साइक्रयाटिक प्रिजन।”
चिनियाँ कम्युनिस्ट पार्टी (सीसीपी) ले एक दशकभन्दा बढी समय अघिदेखि यो बर्बर प्रथा रोक्न कानुनी परिवर्तनहरू लागू गरे पनि मनोचिकित्सा अस्पतालहरूमा राजनीतिक लक्ष्यहरूका बन्दी बनाउने कामहरू गरिरहेको छ।
स्थायित्व कायम गर्ने नाममा सिसिपीले याचिकाकर्ता र राजनीतिक कार्यकर्ताहरूलाई न्याय प्रणालीबाट पूर्ण रूपमा विमुख परिन्छ । पीडितले कुनै वकिल भेट्ने वा मुद्दामा जाने आशै नगरे हुन्छ रिपोर्टमा टिप्पणी गरिएको छ । सेफगार्ड डिफेन्डरहरूका अनुसार चिनियाँ अधिकारीहरूले उनीहरूलाई मानसिक रोगको निदान गर्ने बहानामा यसो गर्छन् ताकि उनीहरू रिहा भएपछि पनि सामाजिक रूपमा अलग रहन सकून् ।
यो नोट गर्नु महत्त्वपूर्ण छ कि, यो संख्या हिमको टुप्पो मात्र हो। विशेषगरी सी जिनपिङको नेतृत्वमा डरको यो वातावरणमा जसले चीनलाई बाहिरी संसारमा झनझन् बन्द गरेको छ। बीस वर्ष पहिले, चीनले राजनीतिक कार्यकर्ता र आलोचकहरूलाई मनोचिकित्सा जेलमा पठाएको खबरले संसार त्रसित भएको थियो। चीनमा आपराधिक रूपमा पागलहरूका लागि पुलिसद्वारा सञ्चालित मनोचिकित्सा अस्पतालहरूलाई अंकाङ भनिन्छ।
सन् २०१२ र २०१३ को बीचमा अंकाङलाई अनिवार्य उपचारलाई चिकित्सा मूल्याङ्कनमार्फत अनुमोदन गरियो र पछि पुलिसद्वारा लागू गरिएको मनोचिकित्सक प्रतिबद्धतालाई न्यायिक निरीक्षण दिनको लागि यसको फौजदारी प्रक्रिया कानूनलाई परिमार्जन गर्नको लागि नयाँ मानसिक स्वास्थ्य कानून पारित गर्यो। तर सेफगार्ड डिफेन्डर्सको अनुसन्धानले प्रमाणित गरेको छ कि, यी कानुनी सुधारहरूले पूर्ण रूपमा काम गरेनन्।
अहिले पनि पुलिस र सरकारी एजेन्टहरूले मनोमानी रूपमा याचिकाकर्ता र राजनीतिक कार्यकर्ताहरू साइक्र्याटिक वार्डमा पठाउन जारी राखेका छन् । चीनमा यो एउटा नियमित प्रक्रिया भइसक्यो । कहिलेकाहीँ बारम्बार (अध्ययनका लागि भनी) एउटी महिलालाई २० पटकसम्म पठाइएको थियो मनोचिकित्सक प्रतिबद्धताका लागि रिपोर्टमा भनिएको छ । प्रतिवेदनमा भनिएको छ, डाक्टर र अस्पतालहरु अधिकारीहरुको जबरजस्ती वा दुर्व्यवहार सहेर बस्न वाध्य छन् । (एएनआई)
