बेइजिङ, १९ पुस, (सिन्ह्वा) -पाकिस्तानका पूर्व विदेशमन्त्रीको निधनप्रति चीनले शोक व्यक्त गरेको छ । चिनियाँ विदेश मन्त्रालयका प्रवक्ता वाङ वेनबिनले बिहीबार पाकिस्तानका पूर्व विदेशमन्त्री सरताज अजिजको निधनप्रति गहिरो दुःख व्यक्त गर्दै चीन-पाकिस्तान सम्बन्धमा उहाँको उल्लेखनीय योगदानको प्रशंसा गर्नुभएको छ। पूर्व अर्थमन्त्री र प्रधानमन्त्रीका विदेश मामिला सल्लाहकार समेत रहनु भएका अजिजको मङ्गलबार इस्लामाबादमा निधन भएको थियो। ” अजिज एक जना अनुभवी राजनीतिज्ञ, रणनीतिकार र पाकिस्तानका आर्थिक विशेषज्ञ हुनुहुन्थ्यो, साथै चिनियाँ जनताको पुरानो र असल मित्र पनि हुनुहुन्थ्यो,” वाङले नियमित पत्रकार सम्मेलनमा भन्नुभएको छ । प्रवक्ता वाङले अजिजले पाकिस्तानको समृद्धिप्रति समर्पित रहेको, चीन-पाकिस्तान सम्बन्धलाई प्रवर्द्धन गर्न कडा मिहिनेत र जोशका साथ काम गरेको र चीनको लागि उत्कृष्ट योगदान दिएको बताउनुभएको छ। पाकिस्तान मैत्री सहयोग, विशेष गरी चीन-पाकिस्तान आर्थिक करिडोरको शुरुवात र निर्माणका निम्ति पनि उहाँको उल्लेख्य योगदान रहेको छ । प्रवक्ताले भन्नुभयो- “हामी अजिजको निधनप्रति श्रद्धाञ्जलि व्यक्त गर्दै उहाँको परिवारप्रति गहिरो समवेदना व्यक्त गर्दछौं ।”